मुंबई/ महान कार्य वृत्तसेवा
महाकुंभ 2025 मध्ये बॉलिवूड स्टार्सची उपस्थिती देखील पाहायला मिळत आहे. महाकुंभात, एकामागून एक कलाकार स्नान करण्यासाठी संगमात जात आहेत. बॉलिवूड अभिनेत्री पूनम पांडेनं महाकुंभातील तिच्या आंघोळीचा व्हिडिओ शेअर केला आहे. याशिवाय तिनं काही फोटो देखील पोस्ट केले आहेत. महाकुंभात माझे सर्व पाप धुतले गेले आहेत, असं पूनम पांडेनं आपल्या पोस्टमध्ये लिहिलं आहे. उत्तर प्रदेशातील प्रयागराज येथे होणाऱ्या महाकुंभात 40 कोटी भाविक उपस्थित राहिल्याचा अंदाज लावण्यात आला आहे. महाकुंभ मेळ्यात सामान्य लोक देखील जात आहेत. याठिकाणी मोठी गर्दी देखील पाहायला मिळत आहे.
पूनम पांडेनं शेअर केले फोटो आणि व्हिडिओ : मात्र गर्दीची पर्वा न करता पूनम पांडे महाकुंभ मेळाव्यात सामील झाली आहे. दरम्यान आपले फोटो पोस्ट करताना इंस्टाग्राम पोस्टमध्ये तिनं लिहिलं, ‘महाकुंभ…जीवन जवळून पाहणे, जिथे 70 वर्षांचा वृद्ध तासन्तास अनवाणी चालतो, जिथे श्रद्धेला मर्यादा नसतात. ज्यांनी आपले प्राण गमावले त्यांच्याबद्दल मनापासून संवेदना आहेत, त्यांना मोक्ष मिळेल अशी आशा आहे. येथील भक्तीनं मला थक्क केलं आहे.’ आता पुनमच्या या पोस्टला अनेकजण लाईक करत आहेत. याशिवाय पुनमनं तिच्या इस्टाग्रम स्टोरीवर व्हिडिओ आणि फोटो पोस्ट केले आहेत. पूनम पांडे कधी घाटावर तर कधी बोटीत पक्ष्यांना खाऊ घालताना दिसताना व्हिडिओत दिसत आहे.
महाकुंभबद्दल : गेल्या वर्षी पूनम पांडेनं तिच्या मृत्यूची अफवा पसरवल्यानं चित्रपटसृष्टीत खळबळ निर्माण केली होती. पूनमनं तिच्या टीममार्फत कळवलं होतं की, तिचा कर्करोगानं मृत्यू झाला आहे. त्याच वेळी, अनेक स्टार्सनी हे सत्य म्हणून स्वीकारलं होतं आणि अभिनेत्रीच्या मृत्यूबद्दल दु:ख व्यक्त केलं होतं. यानंतर काही दिवसांनी पूनम पांडेनं सोशल मीडियावर म्हटलं की तिनं कर्करोगाबद्दल जागरूकता निर्माण करण्यासाठी हे केलं आहे. यानंतर, लोकांनी आणि सेलिबिटींनी पूनम पांडेला चांगलच सुनावलं होतं. दरम्यान 13 जानेवारी रोजी सुरू झालेला महाकुंभ मेळावा 26 फेब्रुवारी 2025पर्यंत चालेल. हा मेळावा उत्तर प्रदेशमधील प्रयागराज येथे 45 दिवसांसाठी आयोजित करण्यात आला आहे.
