मुंबई / महान कार्य वृत्तसेवा
मुंबई आंतरराष्ट्रीय विमानतळ आणि ताजमहल पॅलेस हॉटेलला बॉम्बने उडवून देण्याची धमकी देण्यात आली आहे. एका अनोळखी ईमेलवरून विमानतळ पोलीस ठाण्याला हा धमकीचा ई-मेल आलेला आहे. धमकीचा हा मेल येताच मुंबई पोलीस यंत्रणा सतर्क झालीय. खबरदारीचा उपाय म्हणून मुंबई विमानतळ आणि कुलाबा येथील ताजमहल पॅलेस हॉटेलबाहेर पोलिसांचा बंदोबस्त वाढवण्यात आला आहे.
काय म्हटलंय धमकीच्या ई-मेलमध्ये?- मिळालेल्या माहितीनुसार, आंतरराष्ट्रीय विमानतळ आणि ताजमहल पॅलेस हॉटेल पाईप बॉम्बनं उडवून देण्याची धमकी देण्यात आली आहे. शनिवारा सकाळी विमानतळ पोलीस ठाण्यात धमकीचा हा ई-मेल प्राप्त झाला. साल 2001 मध्ये दिल्लीतील संसद भवनावर झालेल्या हल्ल्याप्रकरणी फाशीची शिक्षा देण्यात आलेला दहशतवादी अफजल गुरू आणि सॅवक्कू शंकर यांना अन्यायकारकरीत्या भारतानं फाशी दिल्याचा मेलमध्ये उल्लेख करण्यात आलेला आहे. मुंबई पोलिसांकडून गुन्हा दाखल – धमकीचा हा मेल न्ग््ल्ूप्रत्रग्ञ्ज्ल्त्ग्ञ्नत्त्ल्स् मेल आयडीवरून धमकी आल्याची माहिती समोर आली आहे. विमानतळ पोलीस ठाण्याचे वरिष्ठ पोलीस निरीक्षक मनोजकुमार माने यांनी दिलेल्या माहितीनुसार ईमेल आयडी वापरकर्त्याविरोधात गुन्हा दाखल करण्यात आलेला आहे. याप्रकरणी धमकी देणाऱ्या अनोळखी व्यक्तीविरोधात मुंबई पोलिसांनी भारतीय न्याय संहिता कलम 125, 351(1),(3) आणि (4) अंतर्गत गुन्हा दाखल करण्यात आला असून, पुढील तपास सुरू आहे.