युद्धाचा सराव केल्यानेच पाकिस्तान भिकेला लागणार

मॉकड्रील दाखवायला पण भारताचा वेगळाच डाव?

नवी दिल्ली / महान कार्य वृत्तसेवा

भारत आणि पाकिस्तानमध्ये तणावपूर्ण वातावरण निर्माण झाल्यामुळे गृहमंत्रालयाने देशभरात युद्धसराव अर्थात मॉकड्रील करण्याचे आदेश दिले आहे. मात्र, या मॉक ड्रिलमुळे नागरिकांनी घाबरून जाऊ नये आणि त्यासोबतच दिलेल्या सगळ्या सूचना पाळाव्यात, असे आवाहन बिगेडियर हेमंत महाजन यांनी केले आहे.

भारत आणि पाकिस्तान या दोन्ही देशांमध्ये युद्धजन्य परिस्थिती जरी असली तरीही पाकिस्तानसाठी हे युद्ध कठीण आहे. मात्र पाकिस्तान सोबत चीन असल्यामुळे पाकिस्तान हे युद्ध करू शकतं अशी शक्यता ही व्यक्त केली. पाकिस्तान जर युद्धाचा सराव करत असेल तर हे भारतासाठी चांगले आहे. त्यामुळे पाकिस्तानचा खर्च देखील होतोय आणि त्यांना खर्चात पाडणं, सरावासाठी वापरण्यात येणाऱ्या विमानांच्या खर्चामुळे त्यांचे नुकसान होऊ शकतं आणि त्यांचं नुकसान हे भारतासाठी चांगलं आहे, असे बिगेडिअर हेमंत महाजन यांनी म्हटले.

विमानाचा, क्षेपणास्त्र किंवा ड्रोनचा हल्ला होण्याची शक्यता असलेल्या परिसरात ब्लॅकआऊट केले जाते. नागरी भागात एअर डिफेन्स नसतो. त्यामुळे हल्ला झाल्यास नागरिकांना स्वत:च संरक्षण करावे लागते. हवाई हल्ल्याचा सायरन वाजल्यानंतर नागरिकांनी सर्वप्रथम घरातील सर्व लाईट बंद केले पाहिजेत. कारण लाईट सुरु राहिले तर शत्रूच्या विमानांना त्यांचे लक्ष्य सहजपणे नजरेस पडेल. घरातील लाईट बंद केल्यानंतर नागरिकांनी इमारतीमधून खाली यावे आणि पार्किंग एरियात जमावे. जेणेकरुन आजुबाजूला हवाई हल्ला झाल्यास नागरिकांना कोणतीही दुखापत होणार नाही. याशिवाय, नागरिकांनी सायरन वाजल्यानंतर इलेक्ट्रॉनिक डिव्हाईस तातडीने बंद करावीत, असे बिगेडिअर हेमंत महाजन यांनी सांगितले.

देशभरात मॉकड्रीलच्या तयारीला वेग

दिल्लीतील केंद्रीय गृह सचिवांच्या बैठकीनंतर मुख्यमंर्त्यांना बिफिंग होणार. मॉकड्रील संदर्भात केंद्रीय गृहविभागाच्यासोबतच्या बैठकीनंतर मुख्यमंर्त्यांना माहिती दिली जाणार आहे. मुख्य सचिवांकडून हे बिफिंग होणार असल्याची माहिती. केंद्रीय गृह सचिवांच्या बैठकीत राज्यांचे मुख्य सचिव आणि नागरी संरक्षण प्रमुख व्हीसीद्वारे उपस्थित असतील. त्या अनुषंगाने देशातील 244 जिल्ह्यांमध्ये नागरी संरक्षणाच्या तयारीसंदर्भात बैठका होतील.