मुंबई / महान कार्य वृत्तसेवा
सोलापुरमधील प्रसिद्ध न्युरोलॉजिस्ट डॉ.शिरीष वळसंगकर यांच्या आत्महत्या प्रकरणात आता त्यांची सून डॉ. शोनाली गायब असल्याची माहिती समोर आली आहे. डॉ. शोनाली या मुख्य संशयितांपैकी एक असून पोलीस चौकशी असतानाच त्या त्यांचे वडील डॉ. दिलीप जोशींसह बेपत्ता झाल्या असून त्या अमेरिकेत किंवा मुंबईत असल्याची शक्यता व्यक्त केली जात आहे. अशातच आता या प्रकरणाची थेट राज्याचे मुख्यमंत्री तथा गृहमंत्री देवेंद्र फडणवीस दखल घेणार का याबद्दलची चर्चा रंगू लागली आहे. या चर्चेमागील कारण म्हणजे अशा पद्धतीची मागणीच एका राजकीय पक्षासहीत बाह्मण समाजाच्या वतीने करण्यात आली आहे.
स्थानिक पोलिसांच्या दाव्यानुसार एक महिला सध्या ताब्यात न्युरोलॉजिस्ट डॉ. शिरीष वळसंगकर यांच्या आत्महत्या प्रकरणाची सीआयडी चौकशी केली जावी अशी मागणी प्रहार जनशक्ती पक्ष आणि बाह्मण समाजाच्या वतीने करण्यात येत आहे. या प्रकरणाची सीआयडी चौकशी केल्यास अनेक गूढ माहिती समोर येणार असल्याचा दावा केला जात आहे. स्थानिक पोलिसांच्या तपासानुसार सध्या हॉस्पिटल कर्मचारी मनीषा माने याच संशयाच्या भोवऱ्यात आहेत. मनीषा माने या सध्या न्यायालयीन कोठडीत असून त्यांची चौकशी सुरु आहे. आत्महत्या प्रकरणी कुटुंबातील काही सदस्यांवर संशयाचे ढग असताना सुनबाई डॉ. शोनाली यांनी देश सोडल्याच्या चर्चांना उधाण आलं आहे.
फडणवीसांना हात जोडून विनंती…
अशा परिस्थितीमध्ये सोलापूरमधील प्रहार जनशक्ती पक्षाचे शहराध्यक्ष अजित कुलकर्णी यांनी या प्रकरणाचा तपास सीआयडीकडे सोपवण्यात यावा अशी मागणी केली आहे. ”मी प्रहार आणि बाह्मण समाजाच्या वतीने मराहाष्ट्राचे मुख्यमंत्री, गृहमंत्री देवेंद्र फडणवीस यांना हात जोडून विनंती करतो, की ही चौकशी सीआयडीकडे वर्ग करावी. सीआयडीने या प्रकरणात हस्तक्षेप केला पाहिजे. कोट्यवधी रुपयांचा व्यवहार आहे किंवा यातून जो काही भांडाफोड होणार आहे तो सीआयडीच्या चौकशीनंतर होईल,” अशी शक्यता अजित कुलकर्णी यांनी व्यक्त केली आहे.
कौटुंबिक वाद? अन् अमेरिका कनेक्शन
सध्या पोलिसांच्या ताब्यात असलेल्या मनीषामुळे डॉ. वळसंगकर यांच्या कुटुंबात वाद निर्माण झाल्याची चर्चा आहे. दिवसोंदिवस डॉ. वळसंगकर यांच्या कुटुंबियांकडून मनीषाला पाठीशी घालण्याचा प्रकार वाढत चालेला अशी दबक्या आवाजात चर्चा आहे. यामुळेच डॉ. वळसंगकर नाराज होते आणि हा विषय कौटुंबिक वादात रुपांतरीत झाल्याची चर्चा आहे. कौटुंबिक वादाच्या पार्श्वभूमीवर पोलिसांनी तपास सुरु केला असतानाच या प्रकरणामध्ये मनीषानंतर पोलिसांना सर्वाधिक संशय हा डॉ. शोनाली यांच्यावर आहे. डॉ. शोनाली डॉ. वळसंगकर यांची सून असून त्या अचानक गायब झाल्या आहेत. डॉ. शोनाली या त्यांच्या वडिलांसोबत अमेरिकेत पळून गेल्याची जोरदार चर्चा डॉ. वळसंगकर यांच्या रुग्णालयाशीसंबंधित लोकांमध्ये रंगली आहे. डॉ. शोनालीचा भाऊ अमेरिकेत राहत असून हे दोघेही त्याच्याकडेच गेल्याची चर्चा आहे. 18 एप्रिल रोजी डॉ. शिरीष वळसंगकर यांनी राहत्या घरात गोळ्या घालून आत्महत्या केली.