नवी दिल्ली/महान कार्य वृत्तसेवा
अमेरिकेतील 14 राज्यांनी राष्ट्राध्यक्ष डोनाल्ड ट्रम्प आणि त्यांचा राईट हँड समजले जाणारे टेस्ला कंपनी प्रमुख आणि डिपार्टमेंट ऑफ गव्हर्नमेंट इफिशियन्सी प्रमुख एलॉन मस्क यांच्याविरोधात गुन्हा दाखल केला आहे. मस्क यांची डिपार्टमेंट ऑफ गव्हर्नमेंट इफिशियन्सी प्रमुख म्हणून नियुक्ती केल्याने ही राज्ये संतप्त आहेत. राज्यांच्या म्हणण्यानुसार, DoGE चे प्रमुख म्हणून, मस्क यांना प्रचंड शक्ती प्राप्त झाली आहे, जे अमेरिकन संविधानाचे उल्लंघन आहे. वॉशिंग्टन डीसी येथील एका फेडरल कोर्टात गुरुवारी दाखल केलेल्या खटल्यात असे म्हटले आहे की, सरकारी कर्मचारी काढून टाकण्यासाठी आणि एकाच वेळी संपूर्ण विभाग काढून टाकण्यासाठी मस्क यांना राष्ट्राध्यक्ष ट्रम्प यांच्याकडून मिळालेली अमर्याद शक्ती या देशाला स्वातंर्त्य देणाऱ्यांसाठी अत्यंत धक्कादायक ठरली आहे.
खटल्यात असेही म्हटले होते की घटनेच्या नियुक्तीच्या कलमात असे म्हटले आहे की राष्ट्राध्यक्षांनी अधिकृतपणे मस्क यांच्यासारख्या अधिकार मिळवणाऱ्या व्यक्तीचे नामनिर्देशन केले पाहिजे आणि सिनेटने त्यास मान्यता दिली पाहिजे. कार्यकारी आणि सरकारी खर्चाच्या संरचनेशी संबंधित विद्यमान कायदे बदलण्याचा अधिकार संविधानाने राष्ट्राध्यक्षांना दिलेला नाही. त्यामुळे देशाच्या राष्ट्रपतींना नवीन फेडरल एजन्सी तयार करण्याचा किंवा कोणतीही एजन्सी रद्द करण्याचा अधिकार नाही.
मस्क यांची कृती बेकायदेशीर घोषित करा
या राज्यांनी म्हटले आहे की मस्क हे व्हाईट हाऊसचे सल्लागार आहेत. त्यांनी किमान 17 फेडरल एजन्सींमध्ये हस्तक्षेप केला आहे. राज्यांनी मागणी केली आहे की मस्क यांनी आतापर्यंत सरकारमध्ये अधिकाऱ्यांच्या पातळीवर जी काही कारवाई केली आहे ती बेकायदेशीर घोषित करण्यात यावी. ऊेॠए प्रमुख झाल्यानंतर मस्क यांच्यावर दाखल झालेला हा दुसरा खटला आहे. याआधी, त्याच्याविरुद्ध मेरीलँडच्या फेडरल कोर्टातही घटनेचे उल्लंघन केल्याचा दावा करून खटला दाखल करण्यात आला होता.
नोव्हेंबरमध्ये निवडणूक जिंकल्यानंतर डोनाल्ड ट्रम्प यांनी डिपार्टमेंट ऑफ गव्हर्नमेंट इफिशियन्सी (DoGE) नावाचा नवीन विभाग तयार करण्याची घोषणा केली होती, जो सरकारला बाहेरून सल्ला देईल. डोनाल्ड ट्रम्प यांनी त्याची कमान मस्क आणि भारतीय वंशाचे उद्योजक विवेक रामास्वामी यांच्याकडे सोपवली होती. नंतर विवेक रामास्वामी यांना त्यातून काढून टाकण्यात आले. ट्रम्प म्हणाले होते की, मला हे सांगायला आनंद होत आहे की हे दोन अद्भुत अमेरिकन माझ्या प्रशासनासाठी नोकरशाही दूर करण्यासाठी, कचरा कमी करण्यासाठी, अनावश्यक नियम काढून टाकण्यासाठी आणि फेडरल एजन्सीची पुनर्रचना करण्यासाठी काम करतील. आमच्या ’सेव्ह अमेरिका’ अजेंडासाठी हे महत्त्वाचे आहे.
