उबाठात काय चाललेय हे जनतेला अन्‌‍ आम्हालाही कळेना

योग्य वळणावर येतील की नाही…; उदय सामंत

मुंबई /महान कार्य वृत्तसेवा
राज्यात मस्साजोगचे सरपंच संतोष देशमुख प्रकरणाने मोठा गदारोळ उडाला आहे. तर दुसरीकडे राज्यात पार पडलेल्या विधानसभा निवडणुकीनंतर आता साऱ्यांना महानगरपालिका निवडणुकांचे वेध लागले आहे. दरम्यान, या निवडणुकीच्या अनुषंगाने सर्वच राजकीय पक्ष तयारीला लागले असून स्थानिक पातळीवर मोर्चेबांधणी केली जात आहे.शिवसेना ठाकरे गट महापालिका व स्थानिक स्वराज्य संस्थेच्या निवडणुका स्वबळावर लढणार असल्याची मोठी घोषणा केल्यानंतर त्यांच्यात काय चाललेय हे महाराष्ट्राच्या मतदाराला कळत नसल्याची प्रतिक्रीया शिवसेना शिंदे गटाचे नेते उदय सामंत म्हणाले.
ज्या उबठा नेत्याने देवेंद्र फडणवीसांवर खालची टीका केली आहे, ती का केली होती तर खोटारडे आरोप करून ते सत्तेवर येऊ पाहत होते, टीका करत होते आता त्यांना मुख्यमंर्त्यांजवळ जाण्याशिवाय पर्याय नाही असे त्यांना वाटत असावे, कारण पुढची 15 वर्ष त्यांना काही सोय नाही असे उदय सामंत म्हणालेत.
काय म्हणाले उदय सामंत?
‘उबठा वेगळे लढणार यावर त्यांच्यात काय चालले आहे हे जनतेला आणि आम्हाला ही कळत नाही, ते हाताचा प्रचार करू शकतात तर काहीही होऊ शकते. योग्य वळणावर येतील की नाही त्यांना माहिती. अथवा महाविकास आघाडीतून ते बाहेर पडत असतील. उबठा वेगळे लढणार यावर त्यांच्यात काय चालले आहे हे जनतेला आणि आम्हाला ही कळत नाही. असे उदय सामंत म्हणाले. संतोष देशमुख यांची मुलगी म्हणते सीआयडी ने माहिती दिली नाही, यावर कुटुंबाला माहिती दिली पाहिजे असे माझे ही म्हणणे आहे…पारदर्शक तपास होतोय तर माहिती द्यायला हवी. बीड आरोपी वर कठोर कारवाई होईल, सरकारने भूमिका स्पष्ट आहे जनतेची मागणी पूर्ण होईल, शिंदे साहेबांची हीच भूमिका आहे, धनंजय देशमुख सोबत एकनाथ शिंदे आणि मी कालच बोललो आहे.असेही ते म्हणाले.
मविआला घरचा आहेर!
लोकसभा निवडणुकीत महाराष्ट्रात महायुतीचा दारूण पराभव झाला तर महाविकास आघाडीचा भरघोस यश मिळाले. नुकत्याच झालेल्या विधानसभा निवडणुकीत महायुतीने अनपेक्षित बहुमत मिळवत आपली सत्ता कायम टिकवली आणि राज्यात पुन्हा महायुतीचे सरकार स्थापन झाले. तर महाविकास आघाडीला मोठा फटका बसल्याचे दिसून आले. यानंतर नितीन राऊत यांनी मविआला टोला लगावला. लोकसभेनंतर आम्ही मुख्यमंत्रिपदासाठी वाद घातले, एकमेकांवर कुरघोड्या केल्या, असे म्हणत त्यांनी मविआला घरचा आहेर दिला. तर अमोल कोल्हे यांनी काँग्रेसची मोडलेली पाठ सरळ होत नाही अन्‌‍ शिवसेनेला अजून जाग येत नाही, असे म्हणत मित्रपक्षांवर निशाण साधला. यानंतर संजय राऊत यांनी आगामी निवडणुकीबाबत मोठी घोषणा केली आहे.