छत्रपती संभाजीनगर/महान कार्य वृत्तसेवा
काही महिन्यांपूर्वी केंद्र शासनाने मराठी भाषेला अभिजात भाषेचा दर्जा मिळवून दिला. मात्र महाराष्ट्रात अजूनही अनेकांना मराठी भाषा बोलण्याचे आणि वाचता येत नसल्याची धक्कादायक बाब समोर आली आहे.
मराठवाड्यातील आठपैकी सहा जिल्ह्यांतील जि.प. शाळांमधील 29 टक्के विद्यार्थ्यांना मराठी वाचता येत नसल्याचे उघडकीस आले आहे. प्रशासनाने केलेल्या एका पाहणीअंती मराठवाड्यातील पहिली ते तिसरीपर्यंतच्या विद्यार्थ्यांना मराठी वाचता येत नाही. तर इंग्रजी, गणितापासून विद्यार्थी चार हात लांब असल्याचे समोर आले आहे.
दरम्यान, धाराशिव जिल्ह्यातील भाषाज्ञान असलेल्या विद्यार्थ्यांची संख्या समाधानकारक आहे. दुसरीतील 86.87, तर तिसरीतील 87.51 टक्के विद्यार्थ्यांना मोठी वाक्य वाचता येतात. पाहणीतील निष्कर्ष पहिलीतील 1 लाख 16 हजार 741 विद्यार्थ्यांपैकी 77 हजार 370 विद्यार्थी 4 ते 5 शब्द असलेले छोटी वाक्ये वाचतात. 39 हजार 371 विद्यार्थ्यांना छोटी वाक्येदेखील वाचता येत नाहीत. हे प्रमाण 33.73 टक्के आहे.
