-सौ.प्रियंका राजूबाबा आवळे यांचा मिणचे परिसरात झंझावाती दौरा
हुपरी : महानकार्य वृत्तसेवा-
हातकणंगले मतदारसंघात सर्वसामान्य जनतेची कामे करताना गट-तट,पक्ष,जाती-धर्म न बघता आमदार राजूबाबा आवळे यांनी सर्वांना न्याय देत कोट्यावधी रुपयांची विकासकामांचा डोंगर उभारला असून या कामाच्या जीवावरच महाविकास आघाडीचे उमेदवार राजूबाबा सहज निवडून येतील,असा विश्वास सौ.प्रियंका राजूबाबा आवळे यांनी व्यक्त केला.
हातकणंगले तालुक्यातील मिणचे गावातील मातंग समाज,बौद्ध समाज,शाहूनगर,पंचवटी नगर वसाहतीत आयोजित केलेल्या पदयात्रा व संपर्क दौऱ्यात सौ.प्रियंका आवळे बोलत होत्या.या झंझावाती दौऱ्यात दोनशे- तीनशेहून अधिक महिलांचा उस्फूर्त सहभाग होता.सर्वच गावात दमदार आमदार राजूबाबा आवळे म्हणून प्रचार पदयात्रांना जनतेतून चांगला प्रतिसाद मिळत आहे.
यावेळी मिणचे गावातील सौ.उज्वला संजय आवळे, इचलकरंजी माजी नगरसेविका आक्काताई आवळे,नंदा आवळे,आसमा सलीम जमादार,रुपाली नितीन वाडकर, परवीन जमादार,संगिता वाकसे,पार्वती वाकसे,रुपाली वाकसे,शोभा घाटगे,राज्जाक्का घाटगे,वणाबाई घाटगे, संगिता घाटगे,रुपाली वायदंडे,स्वाती घाटगे,आनंदीबाई घाटगे,आम्मण्णा घाटगे आदीसह हजारो महिला बचत गट,स्वयंसेवी संस्था,पतसंस्थेच्या पदाधिकारी,महिला वर्ग मोठ्या संख्येने उपस्थित होत्या.