किणी व वाठार तर्फे वडगाव येथे पदयात्रा संपन्न
हातकणंगले/महानकार्य वृत्तसेवा-
सन २००९ ते २०१९ या माझ्या आमदारकीच्या कालावधीमध्ये हातकणंगले विधानसभा मतदारसंघामध्ये विकास कामांचा डोंगर उभा केला आहे . त्याचप्रमाणे आपल्याला पुन्हा मतदार संघात विकास कामासह मोठा इंडस्ट्रियल हब उभा करायचा आहे . तसेच स्वाभिमानी शेतकरी संघटनेप्रमाणे आपले काम स्वाभिमानी व प्रामाणिक असेल , तरी शिट्टी चिन्हासमोरील बटन दाबून विजयी करण्याचे आवाहन परिवर्तन महाशक्ती आघाडी पुरस्कृत स्वाभिमानी शेतकरी संघटनेचे उमेदवार डॉ . सुजित मिणचेकर यांनी केले . हातकणंगले विधानसभा मतदार संघातील किणी व वाठार तर्फे वडगाव गावच्या प्रचार सभेच्या पदयात्रा संवाद मेळाव्यात ते बोलत होते .
यावेळी प्रचाराच्या पदयात्रेत किणी येथे सुवर्णा धनवडे, मालती खोपडे, निर्मला धनवडे, आण्णासो मगदूम, हरी जाधव, संपत पोवार, सुनील सुर्यवंशी,शहाजी दमाणे, उमेश पाटील,सुरेश पाटील, अभय पाटील,श्रेयश पाटील, अमर धनवडे, प्रदीप धनवडे तर वाठार तर्फे वडगांव येथे उमेश पाटील, विनायक माळी , अक्षय पाटील, किशोर कांबळे, छावा मराठा संघटना राहुल क्षीरसागर, अक्षय कुंभार, कुमार क्षीरसागर, किरण वाकसे , सुनिल सूर्यवंशी, वरद सूर्यवंशी, बजरंग हरणे व अजय कांबळे यांच्यासह स्वाभिमानी शेतकरी संघटनेचे , शिवशक्ती व भीमशक्तीचे पदाधिकारी , कार्यकर्ते , मिणचेकर प्रेमी कार्यकर्ते व नागरिक मोठ्या संख्येने उपस्थित होते .