इचलकरंजी /महान कार्य वृत्तसेवा
जिल्हा क्रीडा कार्यालय, कोल्हापूर व इचलकरंजी महानगरपालिका आयोजित शालेय, शासकीय खो खो स्पर्धा मंगळवार दि. 9 सप्टेंबर, 2025 या दिवशी इलेव्हन क्रीडा मंडळ येथे पार पडल्या. या स्पर्धेत श्रीमंत गंगामाई गर्ल्स हायस्कूल व जुनिअर कॉलेजच्या 14 ,17 व 19 वर्षाखालील संघांनी प्रथम क्रमांक प्राप्त करून तिहेरी यश संपादन केले. या तिन्ही संघांची विभागीय स्पर्धेसाठी निवड झाली आहे.
या यशस्वी कामगिरीसाठी श्री ना. बा. एज्युकेशन सोसायटीचे प्रेसिडेंट श्रीनिवासजी बोहरा शेठजी, चेअरमन कृष्ण बोहरा, व्हाईस चेअरमन उदयजी लोखंडे, ट्रेझरर महेश बांदवलकरसो, मानद सचिव बाबासो वडिंगे, स्कूल कमिटी चेअरमन मारोतराव निमनकर साहेब तसेच संस्थेचे सर्व सन्माननीय पदाधिकारी व विश्वस्त यांचे मौलिक सहकार्य लाभले.
प्रशालेच्या मुख्याध्यापिका, ए. एस काजी , पर्यवेक्षक श्री एस एस कोळी , सौ व्ही एस लोटके , ज्येष्ठ शिक्षक श्री डी डी कोळी यांनी विजयी संघांचे अभिनंदन केले.खो खो खेळाचे प्रशिक्षक व क्रीडाशिक्षक कृष्णात पाटील यांनी खेळाडूंना प्रशिक्षित केले तर जिमखाना प्रमुख श बी एस माने यांचे संघास मार्गदर्शन लाभले.