इचलकरंजी/महान कार्य वृत्तसेवा
डीकेटीईचा स्वातंत्र्य दिन हा नेहमीच विविध उपक्रमांनी मोठया उत्साहात साजरा केला जातो. यंदाचा ध्वजारोहण समारंभ हा शिरोळ येथील वीर शहीद जवान सुरज भारत पाटील यांच्या वीरमाता सौ. सुरेखा भारत पाटील व त्यांच्या कुटुंबीयांच्या हस्ते संपन्न झाला. ध्वजारोहण झालेनंतरच्या कार्यक्रमात त्यांना डीकेटीई परिवार यांच्यातर्फे हौताम्य वंदन व सैनिक परिवारास कृतज्ञतानिधी समर्पण करण्यात आला. संस्थेच्या सचिव डॉ.सौ. सपना आवाडे व कार्यकारी संचालक रवी आवाडे यांच्या हस्ते वीरमाता सौ. सुरेखा पाटील व कुटुंबीयाकडे मदतीचा चेक सुपुर्द करण्यात आला.
वीरमाता सौ. सुरेखा पाटील यांच्या हस्ते ध्वजारोहण करुन भारतमातेच्या प्रतिमेचे पूजन करुन कार्यक्रमाची सुरवात झाली. प्रा. डॉ. ए.आर.बलवान यांनी प्रास्ताविक केले. यावेळी संस्थेच्या सचिव डॉ.सौ. सपना आवाडे यांनी मनोगत व्यक्त केले.
या कार्यक्रमास संस्थेचे कार्यकारी संचालक रवी आवाडे, संचालिका प्रा. डॉ. एल.एस.अडमुठे, उपसंचालक डॉ.यु.जे. पाटील, प्रा.ए.व्ही. शहा, सर्व विभागप्रमुख, शिक्षक व शिक्षकेत्तर कर्मचारी, विद्यार्थी प्रतिनिधी यांच्यासह हुतात्मा पाटील कुटुंबीयांचे सदस्य उपस्थित होते.
