अहमदाबाद / महान कार्य वृत्तसेवा
अहमदाबादमधून लंडनला जाणारं एअर इंडियाचं विमान कोसळलं आहे. अहमदाबादवरुन जाणाऱ्या या विमानात गुजरातचे माजी मुख्यमंत्री विजय रुपाणी असल्याची प्राथमिक माहिती मिळाली आहे. या अपघातात ते जखमी झाल्याची माहिती मिळत आहे. हे विमान रहिवाशी भागात कोसळल्याची माहिती मिळत आहे. विमान 242 प्रवासी असल्याची प्राथमिक माहिती समोर आली आहे. मेघानी भागात विमान कोसळल असून धुराचे लोट परिसरात पसरले आहेत.
अख 171 हे अपघात झालेल्या विमानाचा क्रमांक आहे. या प्रवास 242 प्रवासी असल्याच सांगितलं जात आहे. गुरुवारी गुजरातमधील अहमदाबाद येथे एअर इंडियाचे प्रवासी विमान बोईंग ड्रीमलायनर 787 कोसळले, ज्याचे भयानक फोटो समोर येत आहेत. अहमदाबादच्या मेघानीनगर भागात आगीच्या प्रचंड ज्वाळा दिसल्या. त्याच वेळी दूरवरून काळ्या धुराचे लोट दिसू लागले. या विमानात 242 प्रवासी होते. हे ड्रीमलायनर बोईंग 787 लंडनला जात होते. अहमदाबादमधील सरदार वल्लभभाई पटेल आंतरराष्ट्रीय विमानतळावरून उड्डाण घेत असताना जवळच्या इमारतीला किंवा भिंतीला धडकल्याने विमान कोसळले.
विमानाचे तुकडे झाले
प्राथमिक माहितीनुसार, सरदार वल्लभभाई पटेल आंतरराष्ट्रीय विमानतळावर हा दुर्दैवी अपघात झाला. विमानतळाच्या सीमेजवळ हे विमान कोसळल्याचे मानले जात आहे. समोर आलेल्या सुरुवातीच्या छायाचित्रांमध्ये विमानाचे तुकडे झाले असल्याचे दिसून येते. मदत आणि बचाव कार्य सुरू आहे. एअर इंडियाचे विमान कोसळले चित्रात विमानाचा एक पंख तुटून पडला असल्याचे दिसून येत आहे. अग्निशमन दलाचे जवान पाणी फवारून आग आटोक्यात आणण्याचा प्रयत्न करत आहेत. सध्या आग काही प्रमाणात आटोक्यात आली आहे. ही दुर्घटना घडली तेव्हा विमान विमानतळावरून उड्डाण घेत होते. सर्वत्र गोंधळाचे वातावरण आहे, हा भीषण अपघात पाहून लोक घाबरले आहेत आणि इकडे तिकडे धावत आहेत. विमान पूर्णपणे खराब झाले आहे. विमानाचा बहुतांश भाग जळून खाक झाला आहे. ज्या इमारतीवरून विमान पडले त्या इमारतीचेही नुकसान झाले आहे. सिव्हिल हॉस्पिटलमधील सर्व डॉक्टरांच्या रजा रद्द करण्यात आल्या आहेत विमानतळाजवळ एक सिव्हिल हॉस्पिटल आहे, जिथे सर्व डॉक्टरांच्या रजा रद्द करण्यात आल्या आहेत. आतापर्यंत मिळालेल्या माहितीनुसार, अहमदाबादहून उड्डाण केलेले हे विमान लंडनच्या दिशेने जात होते.