जोतिबा/महान कार्य वृत्तसेवा
गांव भंडाऱ्या ने चैत्र यात्रेची सांगता झाली . महानैवेद्याची शोभा यात्रा , सासनकाठी मिरवणुक आदि कार्यक्रम झाले .हजारो भाविक व ग्रामस्थांनी महाप्रसादाचा लाभ घेतला.
श्री. जोतिबा चैत्र यात्रेची सांगता गाव भंडाऱ्या ने झाली. पुजारी ग्रामस्थ यांच्या वतीने गावभंडारा करण्यात आला .उंट घोडे वाजंत्रीच्या लवाजम्यासह महानैवेद्याची शोभा यात्रा निघाली. दुपारी स्थानिक पुजारी मंडळाच्या सासनकाठीची मिरवणूक निघाली. महाप्रसादाचा लाभ हजारो भाविक व स्थानिक पुजा ऱ्यांनी घेतला. रात्री भजन, डवरी गीताचा रात्रभर कार्यक्रम झाला .
एकतेचं प्रतिक जोतिबा डोंगरचा गांव भंडारा
संपूर्ण महाराष्ट्राचे आणि कर्नाटकचे कुलदैवत म्हणून ओळखल्या. जाणाऱ्या श्री क्षेत्र जोतिबा डोंगर येथील चैत्र पौर्णिमेच्या यात्रेची सांगता म्हणून प्रत्येक वर्षीं जोतिबा डोंगरावरील ग्रामस्थांच्यावतीने गाव भंडाराआयोजित करण्यात येतो. हा गावाभंडारा जोतिबा डोंगराच्या एकतेचं प्रतिक म्हणून ओळखला जातो. या गावभंडाऱ्याचे आयोजक जरी गुरव समाज असला तरी जोतिबा डोंगरावरील सर्व जाती धर्माच्या लोकांचं यासाठी मोलाचं सहकार्य लाभले. अगदी धान्य देण्यापासून ते भाविकांना प्रसादाचे वाटप करण्यापर्यंत जोतिबा डोंगरावरील सर्वच जाती धर्माचे लोक सहभागी झाले होते .या गाव भंडाऱ्या तील गव्हाच्या खिरीचीआणि बटाट्याच्या भाजीच्या चवीची चर्चा तर संपूर्ण महाराष्ट्राच्या कानाकोऱ्यात आहे. ही खिर आणि भाजी बनवण्याची विशिष्ट पद्रुत या पदार्थांना रुचकर बनवते. या गाव भंडाऱ्याच लाभ घेण्यासाठी जोतिबा डोंगराच्या पंचक्रोशीतील भाविकांबरोबर आता कोल्हापूर, सातारा, सांगली आदी परिसरातून मोठ्या संख्येने भाविक आले होते.