दिल्ली/महान कार्य वृत्तसेवा
एआय आता प्रत्येक प्रगत क्षेत्रात पुढे चालला आहे. त्यामुळे सर्व क्षेत्रातील नागरिकांना एआयचा चांगलाच फायदा होत आहे. परंतु दुसरीकडे एआय टेक्नोलोजीचा फटका देखील बसत चालला आहे. मेटा आता एआय-संचालित सेवा आणि इमर्सिव्ह डिव्हाइसेस तयारीच्या दिशेने पुढे जात आहे. त्यामुळे मेटामधील हजारो कर्मचाऱ्यांना नोकरकपातीचा फटका सहन करावा लागणार आहे.
मेटाचे सीईओ मार्क झुकरबर्ग यांनी फेसबुक, इंस्टाग्राम आणि व्हॉट्‌‍सॲपची पेरेंट कंपनीने जवळपास 3 हजार 600 कर्मचाऱ्यांना कामावरून काढून टाकण्याची योजना आखली आहे. त्यामुळे असमाधानकारक कामगिरी करणाऱ्यांना कर्मचाऱ्यांना मार्क झुकरबर्ग बाहेरचा रस्ता दाखवणार आहेत.
दरम्यान, नोकरकपातबाबत मार्क झुकरबर्ग यांनी म्हटले की, हे वर्ष खूप कठीण असेल आणि आमच्या टीममध्ये सर्वोत्तम लोक असतील यात्री खात्री करण्यासाठी नोकरकपात जारी करणार आहे. तसेच नोकरकपातीमुळे प्रभावित झालेल्या कर्मचाऱ्यांना मोबदला दिला जाईल, असेही त्यांनी स्पष्ट केले.
