केळी अन् टरबुजाच्या साली खायला घातल्या, बापाचं पाशवी कृत्य
बीड / महान कार्य वृत्तसेवा
बीड जिल्ह्यातील गेवराई शहरातील एक धक्कादायक घटना समोर आली आहे. एका व्यसनी बापाने स्वत:च्याच गतिमंद मुलीला जनावरांच्या गोठ्यात पायाला दोरी बांधून डांबल्याचे समोर आले आहे. आईच्या मृत्यूनंतर अक्षरश: केळी, टरबुजाच्या साली खाण्यास देऊन जिवंतपणीच बापाने मृत्यूच्या वेदना मुलीला दिल्या. मात्र, एका महिलेने तिचा आक्रोश ऐकून तिची सुटका केली. पैठणच्या हिना नामक महिलेला माहेरी गेलेली असताना हा प्रकार लक्षात आला. रिहानाची अवस्था पाहून तिला मायेचा पाझर फुटला आणि तिने मुलीची सूटका केली. बाल कल्याण समितीकडून सध्या मुलीवर उपचार सुरू आहेत.
नेमकं काय घडलं?
बीड जिल्ह्यातील गेवराई शहरात आईच्या मृत्यूनंतर पाच वर्षांची गतिमंद मुलीला वडिलांच्या अमानुष वागणुक दिली. व्यसनी बापाने तिला जनावरांच्या गोठ्यात पायाला दोरी बांधून डांबले होते. तिला अक्षरश: केळी, टरबुजाच्या साली खाण्यास देऊन जिवंतपणी मृत्यूच्या वेदना दिल्या. मात्र, एका महिलेने तिचा आक्रोश ऐकून तिची सुटका केली. पैठणच्या हिना नामक महिलेला हे समजले. हिना माहेरी गेलेली असताना तिला सतत रडण्याचा आवाज येत होता. तिने गोठ्यात जाऊन पाहिल्यावर रिहाना दिसली. रिहानाची अवस्था पाहून तिला मायेचा पाझर फुटला. हिना यांनी हज हाउसजवळील खालिद अहमद यांच्या अनाथ आश्रमात तिला नेऊन सोडले. खालिद यांनी तिच्यावर उपचार केले. मात्र, आश्रमात सर्व मुलेच असल्याने त्यांनी छत्रपती संभाजीनगर दामिनी पथकाची मदत घेतली. दामिनी पथकाच्या मदतीने कायदेशीर पुनर्वसन होण्याचा मार्ग मोकळा झाला.
अल्पवयीन गतीमंद मुलीवर लैंगिक अत्याचार-
वाशिमच्या कारंजा तालुक्यातील धामणी येथील घराशेजारी खेळणाऱ्या एका 11 वर्षीय अल्पवयीन गतीमंद मुलीवर लैंगिक अत्याचार केल्याची घटना काल दुपारच्या दरम्यान घडली. गावातील एक 32 वर्षीय व्यसनाधीन तरुणाने घराच्या पाठीमागे लिंगपीसाट तरुण बालिकेवर लैंगिक अत्याचार करत असताना मुलीने विरोध केला असता आरडाओरडा केल्याने पीडितीच्या आईने कारंजा ग्रामीण पोलिसांना दिलेल्या तक्रारीनंतर एका जणांविरुद्ध विरुद्ध पोक्सोसह अट्रो सिटी एकट कायद्यान्वये कारंजा ग्रामीण पोलिसात गुन्हा दाखल झाला असून या प्रकरणी सम्बधित आरोपीला अटक केली असून पोलीस घटनेचा तपास करत आहे.